চ্চঙ্ জতিন্দ্ৰ কুমাৰ দেউৰিয়া ১৯৪২ চন' জত্ম' চাৰম্দে। দেইয়া বা অহম' লকিম্পুৰ্ জিলাই বঙাল্মাৰা আতিগুহ দুমেই। ১৯৮৪ চন' বা ইচৰ' মুহঁ ইচিঁৰনম্দে আৰ্কে বা ইচৰ' মুহঁ ইচিঁৰিমাই লগে লগে দেউৰি কুল' চচিহ দুক্চ্চা দুগজু প্ৰজত্মই কিচ্তিয় বিচ্চাচি চাৰম্দে, আৰ্কে দুক্চ্চা ইচৰ' চু প্ৰচাৰ্ নঁজিয়া হিচাপে অহম্ আৰ্কে অৰুনাচল প্ৰদেচ' চচিহ কাম্ নঙ্না দুই।
দুক্চ্চা লিকিয়া হিচাপে বা ১/"দেউৰি ইতিহাহ্, ২/দয়া দৰ্ম, ৩/অইতিহাহিক পত'বুমিত দেউৰি জনগুচ্তি" য় কিয়া কিতাপ্ মিঁচা চুহ' প্ৰকাহ ননুম্দে। ১০০ নাকইকে পঁচা আৰ্তিক'ল্ বা বেলেক্ বেলেক্ বাত'ৰি কাকত আৰ্কে আলুচনি লাজুহ' বা লিকিৰ'ম্দে। বালাজুৱা দুগঁই চু, কিচ্তি, দৰ্মিয় আৰ্কে চ'য় জত'ন' বিহয়ে লিকিবা হনুম্দে।
বাৱা অম্চ্চাৰেচি হামাজিক্, কিচ্তি আৰ্কে দৰ্মিয় হঙ্গত'ন লাজুচ্চঙ্ জৰিত' চাঙ্না দুই। বা কুব্ ইগাবাচ্চা দেউৰি চুহ', জিবা বাইবেল্ অনুবাদ কাম্ চাঙ্না দুই আৰ্কে দেউৰি চুয় বিকাহ, দৰ্মিয় চাজেবালাজুনা আই.ই.এম, নেইচেল আৰ্কে ইন্দিয়ান কেম্পাচ্ কুচেদ্ চ্চঙ্ ইতদুঙ্না দুই।
বা দেউৰি জাতিয়হু ইগাবাচ্চা কাম্ নঙ্না আৰ্কে ইতদুঙ্না দুমাইহু জউ বায় হদাইৰে গুজা ইগাবা চ আৰ্কে লু চ্চমা নিমামানা আকা ননি।
